Verse
Auswahl
Mi Bundesrot und dine,
das git zäme zwe,
wäres drü vier füf sächs sibe,
wo d Schwiz wette witertribe.
Gäbs e Bundesrot, wo sech loht lo gseh.
Doch die einti die, wot jez nümme meh.
Das Buurebüebli mani nid,
was duet dä üs do ah, ohje.
Er könnt sech us mit Mist und Dräck,
drum wär der Ritter am rächte Fläck.
Doch Buure hets in Bärn scho gnue,
drum schicke mir öpper angers ue.
E Tierarzt wär dört am rächte Platz,
dä git de Esle mau ufe Latz.
Dr Pfister fänd das Amt no nätt,
au wenn er gärn meh Ferie hätt.
Us Lehrer chäm är im Saustall wit,
doch der Jositsch dä wott ne nid.
Kandidate gäbts no meh.
doch keine würde mir dörte gseh.
Er müessti doch usem Wallis cho,
süsch cha d Viola nid goh.
Mini Farb und dini,
gits bim ESC.
Doch wöu sie ihn vor Bühni striiche,
goht är jetz id Offensive.
Isch e Rägeboge, wo mir würde gseh.
für i Bundesrot, dr Sven Epiney.