Verse
Stoff
Es wird schwirig für üs Mönsche, ha ke Kleider me im Chaschte,
us Veganer löh mi Pelz und Läder richtig fescht usraschte.
Au für Side bini nid, dört müesse Raupe derfür stärbe,
dass i wunderschöni Obekleider für mi cha erwärbe.
Wulle kratzt mi und isch vou verpönt, dir wüsset scho werum:
Wüu die nid artgrächti Hautig vo de Schof die findi dumm.
Kunstfasere wotti nid, wüu das macht mini Huut kaputt.
Klimaerwärmig hei dankeschön – cha umelaufe blutt.