Verse
Obeabe
Obeabe
Ig lo mi Drohne chli lo flüge und ha d Kamera agloh.
Wott die schöne Plätz und Hüser, au vo Obe mau ifoh.
Schöni Villene und Gärte, das luegi mir jetz a.
Dir ahnet nid, was i do aues ufgno ha.
Vor St. Urse us do flügi mou die ersti Villa a.
I erröte bim Gedanke wasi dört scho gfunge ha.
Drü blutti Ching im Garte, bim Bischof sim Deheim,
zum Glück ischs nid bim Gmür sondern am Sälirain.
Was isch das wo ig do gseh, do rout e Kugele dervo.
Ischs e Abrissbire oder het me d Wiehnachtsdeko glo?
Nei e Glatzkopf springt dür d Gass, e Möiti Lehrer hingedri
und der Hodu schreit: «Die fetten Jahre si verbii.»
Dört bim Stadtpräsidium gseh ig e dunkle Chrusukopf.
Luegt zum WC-Hüsli ine, was macht dä ächt dörte - gopf.
Isch das nid der Charlie Schmid wo uf de Zechespitze stoht,
über jede Schissdräck wacht wo d Steffi useloht