Verse
Extro
14 chliini Schnitzubänk göh zäme ad Fasnacht.
Si lache vüu und singe Värs und tanze wöud dur d Nacht.
D Hüslisänger höre uf - näme jez der Bling.
Hättet doch no witer gmacht - sit doch fasch no Ching.
Im Schnäderhäxehuus do klöpfts, hei si sech ächt verrönnt?
Ke Zauberspruch, ke Värs me klingt, der Schiitterhuufe brönnt.
Die nöchschte die si au am Arsch - das isch üs nid Schnurz.
S Liecht isch us, si gorpse nüm, me ghört nur no e Furz.
S Füür geit us, der Funke fäut, es duet üs scho chli weh.
Spötter was üs schampar röit - s git ke Fondue meh.
Doch jetze längts, si nur no 9 - d Füuzlüüs si nid do.
Si unger Quarantäne gstöut, isch dr Kammerjäger cho?
Liebs Publikum, zum Schluss no eis, au mir wärde jez goh.
Doch üsi Schnörre git nid rueh - si nöchscht Johr wider do.