Verse

Manne

S`git Manne jo die würde sicher nie,
e Frou begrapsche und de gits no die,
wo ihri Glüscht sofort usläbe wei,
und kei Astang meh hei.

So Manne gits und das isch ganz abstruus,
fasch überau, sogar im Bundeshuus,
wo mit de Finger luege - aber nei,
bi schöne Frouebei.

Si surfe dür die digitali Wäut,
mit iphone, ipad, virtuellem Gäud,
hei Facebook, Twitter, Ahnig aber kei,
was die Froue so chöi.

Karriere, Gliebti, Mami näbebi,
beherrsche d`Froue multitasking z`si,
die Manne tschegge nid, dass d`Froue nei,
gar e kei Touchscreen hei.


« zurück

Nächste Auftritte

+++ Es ist kein Termin vorhanden! +++

» alle Auftritte