Verse

Pretty Woman

Wenn dir d`Hamschterbacke is Dekolté hange,
und Träneseck nach meh Schloof düe verlange.
E schrumplige Haus und - e schmali Lippe,
und die Ougeringe – chönntisch usflippe.

Faute am Chini, wie Mutti Angela,
Runzle ar Stirne, das wotsch ou nid ha.
D`Chräiefüess tüe sich, nümme entfaute,
tuesch i eim Tag grad, zäh Wuche aute.

Füeusch du di hässlich, steiaut u ganz mies,
de gosch em gschidschte zur Frou Donalies.
Die Frou weiss nid nur - wie Chindli mache,
die höuft no bi ganz angere Sache.

Wäge däm Botox, chasch nümme lache,
s`Gsicht isch ganz starr, gsesch us wie ne Drache.
Fasch ruiniert bisch wäg der Donalies,
wächslisch zum Ziegler, dä machts zum haub Pris.

Tuet de das Stopfe bim Ziegler nüt nütze,
wotsch de ou nüt me - i dis Gsicht lo sprütze.
Ei Lösig gits no, für dini Furcha,
versteck haut di Gring schnäu unger der Burka.


« zurück

Nächste Auftritte

+++ Es ist kein Termin vorhanden! +++

» alle Auftritte