Verse
Berset
Könnet dir das Gschichtli scho,
vo däm arbeitslose Beau.
Wo in Bärn der Huet het gno
und drum jetz ufs RAV muess go.
Sich beworbe het är scho,
d Swiss die het ne haut nid gno.
S Flugbrevet das het er jo,
gsteigeret uf Ricardo.
Musikalisch isch är o,
schwingt sis Füdli zu Techno.
Mit sim Charme taugt är doch no,
au aus Stripper mit Niveau.
Mit sinere Libido,
würd är au us Pfarrer froh.
Doch für Rom es Fiasko,
wöu är duet uf Fraue stoh.
Nur ei Lösig blibt ihm no:
Mänge het sich das ado.
Cha aus Scheff is Bürgi cho,
Schleudersitze könnt är jo.