Verse
Staatsherre
Der Bundesrot Berset,
Patron de notre santé,
dä het aus Sozi tatsächlech es Flugbrevet.
Das duet de Rote weh,
de Grüene no vöu meh,
wie är cha flüge, das hei nur d Franzose gseh.
Mais Monsieur Berset,
das isch e Schnapsidee,
so z provoziere der Macron und si Armee.
Dä Herr het Vorliebä,
für älteri Damä,
sött drum d Frau Amhärd bim nöchscht Flug au no mitnäh.
Der grossi Xi Jinping,
das Schlitzohr vo Peking
und siamesisch Zwilling vom Monster Putin.
Dä Ma kennt Marketing,
isch gigrig uf Shopping,
aber chauft sicher nid z Peking si Schrott-Blingbling.
Er shoppt in Afrika,
dört cha är Rohstoff ha,
und bietet derfür Plastik und Chinese a.
Und mir do z Europa,
chaufe aus vo China
und chläbe üs d Häng fürs Klima am Asphalt a.