Verse
Mit 50gi
Jo mit 50gi isch es nümme so wies früecher mau isch gsi.
Unger de Hormon und Gfüeususbrüch, do liide mir e chli.
Mir si immer no sehr heiss, doch chunt es jetze haut in Wäue.
Jetz nähme mir au gärn zue, so gseht me nüm aui Däue.
Für d Manne ir Midlife-Krise, do gits vöu Indizie,
düe trotz knapper Munition, no s Jagdgebiet erwitere.
Der Pirmin het e jungi Frau und drum nüm witer gjagt,
mir singe dä Värs nid witer, dass är üs nid verklagt.